- مطابق
![ترکيه باید لږ تر لږه سوریې ته د ملګرو ملتونو ځانګړی استازی ډيمستورا پرېنږدي](/pa/media/k2/items/cache/19b2674528b4d5fa396dcc8c20062871_L.jpg?t=-62169984000)
خبر
د ترکیې د بهرنیو چارو وزیر مولود چاوش اوغلو وایي چې د ترکيې بهرنیو چارو وزارت چارواکي به په انقره کې د سوریې لپاره د ملګرو ملتونو له ځانګړي استازي «سټیفن ډيمیسټورا» سره وګوري.
د ترکيې د بهرنیو چارو وزیر مولود چاوش اوغلو د سه شنبې پر ورځ خبریالانو ته وویل: مخکې تر دې چې په ژنیوا او استانه کې د سوريې په اړه دویم ځل خبرې پیل شي، د ترکيې د بهرنیو چارو وزارت چارواکي به په انقره کې د سوريې لپاره د ملګرو ملتونو له ځانګړي استازي سټیفن ډيمیسټورا سره وګوري. (Sputniknews.com)
تبصره:
څو اونۍ وړاندې د ترکیې بهرنیو چارو وزیر چاوش اوغلو هالنډ ته له ننوتلو څخه منعه کړل شو. دغه راز د کورنیو او ټولنیزو پالیسیو وزیره فاطمه بتول سایان کایا په روټرډام کې د ترکيې ډیپلوماتیکې ودانۍ ته له ننوتلو څخه منعه کړل شوه. رجب طیب اردوغان په دې اړه له غوسې څخه ډک غبرګون وښود او هالنډ يې په دې تورن کړ چې په (۱۹۹۵) کال کې يې د سربي ځواکونو له لوري د (۸۰۰۰) بوسنیايي مسلمانانو د وژلو مخه و نه نیوله. نوموړي وويل: «موږ هالنډیان او په هالنډ کې مېشت خلک د سربيا له ټولوژنې څخه پېژنو. موږ دوی پېژنو چې په سربیا کې يې څه ډول په ډاډه زړه ټولوژنه وکړه. موږ له چا څخه د تمدن په اړه درس ته اړتیا نه لرو.»
که څه هم د هغه وینا سمه ده؛ خو اردوغان په دې هم پوهېږي چې هالنډیانو دغه کړنه په خپله نه ده کړې، بلکې د ملګرو ملتونو په ملاتړ یې کړې. هغه ټولوژنه د ملګرو ملتونو تر څارنې او ادارې لاندې وشوه! کله چې مسلمانان د بریا په حال کې وو، ملګرو ملتونو او داوطلبه دولتونو ژر تر ژره ځواب ورکړ او د امريکا د پلان له مخې يې د ډېټون تړون نافذ کړ.
اوس په عین شکل ملګري ملتونه د سوريې لپاره خپل ځانګړی استازی سټیفن ډیمسټورا ترکيې ته ليږي، تر څو د سوريې لپاره د امریکايي پلان د تطبيق لپاره همغږي رامنځته کړي. څه وشول؟ ايا اوس څه بدلون رامنځته شو؟ ایا اردوغان د سوريې بې ګناه خلک همغو ته سپاري چې په بوسنیا او نوره اسلامي نړۍ کې يې د مسلمانانو په وژنه تورنوي؟ د ملګرو ملتونو ځانګړی استازی سټیفن ډیمیسټورا په (۲۰۰۷) کې د عراق لپاره ځانګړی استازی ټاکل شوی و او له هغه ورسته په (۲۰۱۰) کې، په افغانستان کې د ملګرو ملتونو د لوړ رتبه چارواکي په توګه وټاکل شو. هم د سټیفن ډیمیسټورا او هم د ملګرو ملتونو سوانح او مخينه معلومه ده چې د امریکا په غوښتنه، د امت په تېر ایستلو او بې لارې کولو کې مهم رول لوبوي.
د اردوغان له وینا څخه په ښکاره داسې څرګنديږي چې ګوندې دی د دوښمنانو له لاسونو څخه د مسلمانانو د ژوند، وینو او عزت د ژغورلو لپاره ښه نیت لري. خو څرنګه چې هغه له امریکا سره له نږدې کار کوي چې مخالف ځواکونه د اسد د ډیموکراټ رژیم لپاره په امریکايي پلان کې ښکېل کړي او هغه ځواکونه چې له دغې چارې سره اختلاف لري او د اسلام غوښتونکي دي، هغوی افراطيان معرفي کړي. یا د هغه له نوي ملګري روسیې سره ګډ کار چې په دې وروستیو کې يې حلب او د هغه اوسېدونکي تر خاورو لاندې کړل او مسلمانان يې د اسد رژیم ته وسپارل. یا يې له نږدې ملګري ایران سره ګډ کار چې د اسد ظالم رژیم د ساتلو په موخه يې د زرګونو بې ګناه مسلمانانو وینې تویې کړې. ایا دوی همغه دي چې د مسلمانانو په وینه يې امن پيدا کړی؟
که رښتيا هم ترکیه له خپلې ادعا سره سم د بوسنيایي او سوري وګړو په وژنو انديښمنه وي، نو بیا ولې د دغو کړنو له عاملينو سره کار کوي؟ سره له دې چې دا د لمر په څېر روښانه ده چې د سوریې د جګړې قصابان څوک دي!؟
که ترکي مشران د دنيا او آخرت په ژوند کې بریالیتوب غواړي، باید د ملګرو ملتونو د استازي د نه منلو په اړه یو روښانه دریځ ولري. له بهرنيو دوښمنو دولتونو سره خپلې ټولې اړيکې پرې کړي او خپلې ټولې نظامې اډې د دغو جګړه غوښتونکو پر مخ وتړي.
د حزب التحریر مرکزي مطبوعاتي دفتر ته
د حزب التحریر – ولایه هالنډ مطبوعاتي استازی